KAMATUORAN

Ang mga matinud-anong pulong wala sa kanindot sa paggamit sa pulong;

Dili tanang nindot nga pulong mao ang kamatuoran.

                                                                                                            Tao Te Ching, kap. 81

            Niining unang bahin sa kapitulo 81, direkta nga gisaysay ni Lao Tzu kanato nga ang kamatuoran dili madala sa paggamit og mga pulong nga nindot kaayo paminawun sa dunggan. Dili usab kini madala sa pagtago gamit ang mga pampabukhad-atay nga mga pulong. Wala usab sa kanindot sa paglitok sa pulong nakadepende ang kamatuoran. Wala nakadepende sa pamaagi sa pagpakita ang kamatuoran tungod bisan unsa pa natong tago niini, mogawas lamang gayud kini sa iyang kaugalingong pamaagi.

            Busa, kining linyaha nagapahimangno kanato sa dili pagmaniobra sa kamatuoran tungod sa bisan unsa pa natong pagtago ug paglikay niini, dili nato mapugngan ang pagpakita sa kamatuoran. Bisan pa’g atong gamitan ug nindot nga mga pulong kadtong bakak, mogawas gihapon ang kamatuoran sa iyang kaugalingong pamaagi.