KAPITULO 15

Kinsa ang makahinlo sa lapukon nga tubig hantud sa moklaro kini?

                                                                                                Tao Te Ching, kap. 15

            Usa sa mga kinaiya nga atong makita sa eskolar mao ang pagkapasyensyoso. Kon atong huna-hunaon og tarong, atong makita nga kon aron mobalik sa pagkatin-aw ang lapukon nga tubig, kinahanglan nga atong hulaton nga moadto sa ilalom ang lapok ug motampo sa laing lapok. Sa ordinaryong tawo, ang iyang buhaton kay iyang testingan nga kawkawon ang lapukon nga tubig aron iyang matanggal kadtong mga lapok sa tubig. Apan, kon si Lao Tzu ang pestoryahon mas mosamot og kalubog ang tubig tungod mas kalat ang mga lapok sa tubig. Ang kinahanglan na lang buhaton mao ang pamaagi sa eskolar.

            Klaro gayud nga adunay pasyensya nga kinahanglan ang usa ka tawo nga sumusunod sa Tao tungod ang kinahanglan niya magpakapasyensyoso sa natural nga lihok sa Tao. Atong tan-awon usab nga kon walay pasyensya, maninguha ang tawo nga mahuman ang tanang butang sa dali ug paspas nga pamaagi. Apan, dili gayud maayo kon pugson ang usa ka butang tungod adunay mga dili maayong butang nga dili mahitabo, kon pwede mas mosamot kini.      

            Ginahatagan gayud og importansya ni Lao Tzu ang pasyensya. Tungod sa pasyensya, iyang malikayan ang pagpamugos nga buhaton ang usa ka butang. Tungod kon pugson ang usa ka butang, adunay posibilidad nga dili masubay og sakto ang pamaagi sa kinaiyahan o Tao.K