KAPITULO 53

Ang mga nindot nga sanina ginasuot,

Ang mga hait nga hinagiban mao ang mga ginabitbit,

Mga pagkaon ug ilimnon ginalingawan lapas sa utlanan.

Ang mga bahandi kay ginakalaskalasan.

Pagpangawat kini ug pagpatuyang.

Dili gayud kini ang Tao.

                                                                                                Tao Te Ching, kap. 53

            Ang pagkawala sa panag-uyon maoy usa sa mga problema nga nakita ni Lao Tzu sa  katilingban. Wala nay kahiusahan. Wala na usab panag-uyon sa matag-usa. Ang anaa na lang gayud mao ang panagbangi. Ang rason nga nakita niini na Lao Tzu mao ang wala pagkasubay sa bihutan sa mga tawo sa Tao. Atong namatikdan nga ang sobra nga pagpatuyang nganhi sa kalibutan wala naangay sa angay nga pagkasubay sa Tao. Wala nay kayano nga nakita tungod ang pirmanente nga ginatinguha sa mga tawo mao ang mga bahandi lamang nga abi nila’g mao na kini ang pinakamaayo sa tanan.

            Busa, ang usa sa mga pamaagi aron mahisubay sa katawhan ang ilang agi sa Tao mao ang magpaka-simple sa ilang panginabuhi ug paglikay sa pagpaninguha sa mga butang nga dili nila kinahanglan. Atong hinumdumon nga ang pamaagi sa Tao dili mao ang pagpangawat ug pagpatuyang tungod ang kining duha naninguha lamang kini sa mga butang nga dili nato kinahanglan. Apan, ang buot lamang natong paninguhaon alang kang Lao Tzu mao ang dili maninguha ug mosubay na lamang sa pamaagi sa Tao.s