KAPITULO 77

Ang Pamaagi sa Langit nagakunhod sa kon unsa ang sobra.

Ang pamaagi sa tawo dili mao.

                                                                                                Tao Te Ching, kap. 77

            Kining linyaha, atong makita ang dakong kalahian sa Tao o Langit ug sa tawo. Apan, kining linyaha wala nagapakita sa tawo nga wala nasubay ang pamaagi sa tawo sa Tao. Kining tawo nganhi, ginapasabot ni Lao Tzu nga wala kini gasubay sa agi sa Tao. Mao nang nasulti niya ang nga lihok sa tawo, wala naka-angay sa Tao.

            Alang kang Lao Tzu kinahanglan nga atong subayon ang atong lihok sa lihok sa Tao tungod mao kini ang pinaka-angay nga buhaton. Tungod ang Tao mao ang nagagiya sa lihok sa tanang anaa sa kalibutan.

            Busa, kini nga linya nagahatag og pahimangno kanatong tanan nga ang atong lihok kinahanglan nga naangay sa Tao. Kon wala naangay adunay mga abnormalidad nga mahitabo sa dagan sa kalibutan. Mao nang kon atong ginapugos nga mobuhat og lihok nga sukwahi sa Tao adunay mga dili maayong butang nga mahitabo.