Kon ang Tao ang
mopatigbabaw sa kalibutan, ang mga nagakarera nga kabayo mobalik sa pag-abuno
sa uma (gamit ang ilang tai).
Kon ang Tao dili
mopatigbabaw sa kalibutan, mga pang-gubat nga kabayo ang molipang sa mga
sibsibanan
Tao Te Ching, kap. 38
Klaro gayud nga ang kinaiya sa Tao nga
gahatag kini og kaayuhan dili lamang sa mga kabayo apan alang sa katilingban
usab. Kay sa kapitulo 38 sa Tao Te Ching
gipakita kanato nga ang iyang ibalik sa tarong nga paggamit ang mga kabayo ug
dili kini niya gamiton alang sa gubat. Ang gubat magdala og kagubot og
panagbangi, ug matud pa ni Lao Tzu nga kon dili mopatigbabaw ang Tao adunay panagbangi
tungod ang mga butang mahulog sa paggamit alang sa pakig-away. Busa, ang
pagkawala sa Tao ang usa sa mga rason sa pagkawala sa panag-uyon.
Sa akong pagsusi, buot siguro ipakita
ni Lao Tzu nga dako ang papel sa Tao sa katilingban ug buot niya nga mamuno ang
Tao alang sa panag-uyon sa tanan. Kon dili ang Tao ang maoy modumala, ang mga
tawo nga dili tarong ang maoy magdumala ug ang laing buhaton na lang nila gayud
kay ang manghilabot sa kinabuhi sa laing tawo nga akong gisaysay kagahapon sa blog.
Niining bahin sa Tao Te Ching gipakita kanato ni Lao Tzu
ang dakong importansya sa Tao isip nga maayo ug saktong tawo nga modumala sa katilingban.
Tungod sa mga maayong kinaiya ani nga ang tumong kay ang kahapsay ug kaayuhan
alang sa tanan.
Walang komento:
Mag-post ng isang Komento